Çin ABŞ-ın Milli Müdafiə Səlahiyyəti Aktına etiraz etdi
Pekin administrasiyası ABŞ-da prezident Co Baydenin imzalaması ilə qüvvəyə minən 2024-cü il Milli Müdafiə Səlahiyyəti Qanununa Çinlə bağlı mənfi məzmunlu olduğuna görə etiraz etdiyini bildirib.
Pekində keçirilən gündəlik mətbuat konfransında Xarici İşlər Nazirliyinin sözçüsü Mao Ning qanunun Çinin daxili işlərinə açıq şəkildə müdaxilə etdiyini, ABŞ-ın Tayvana hərbi dəstəyini təşviq etdiyini və Çin prinsipinə zidd olduğunu qeyd edib.
ABŞ rəhbərliyini prezident Co Baydenin “Tayvanın müstəqilliyini dəstəkləməmək” vədini yerinə yetirməyə çağıran Mao, qanunu pislədiklərini və diplomatik kanallarla etiraz etdiklərini bildirib.
Qanunun Çini bir təhdid olaraq göstərdiyini, Çin şirkətlərini təzyiq altında saxladığını, iki ölkə arasında normal iqtisadi, ticarət və humanitar əlaqələri məhdudlaşdırdığını vurğulayan Mao, ABŞ soyuq müharibə zehniyyətindən və ideoloji ön mühakimələrdən əl çəkməli, ticarət və digər sahələrdə Çin-ABŞ Əməkdaşlıq üçün uyğun mühit yaratmalı olduğunu qeyd edib.
ABŞ-ın noyabrda San-Fransiskoda iki ölkə liderləri arasında keçirilən görüşün müsbət nəticələri üzərində işləməsi və qanunun mənfi məzmununu tətbiq etməməsi lazım olduğunu ifadə edən Mao, “ABŞ öz mövqeyində israr edərsə, Çin öz suverenliyini, təhlükəsizliyini, inkişaf hüquqlarını və maraqlarını qorumaq üçün güclü və qətiyyətli tədbirlər görəcək” deyə vurğulayıb.
ABŞ hökumətinin 2024-cü maliyyə ili üçün müdafiə xərclərini əsaslandıran qanun, Hind-Sakit Okean regionunda Çinin dənizlərdə həddindən artıq suverenlik iddialarının yaratdığı təhlükələrlə bağlı müddəaları, habelə Tayvana hərbi yardımın göstərilməsini nəzərdə tutan tənzimləməni ehtiva edir.
