Yaponiyanın baş naziri iqamətgahı tələsik tərk edib: ruhlar var?
Yaponiyanın baş naziri Fumio Kişida gecə saatlarında iqamətgahını tərk edərək oteldə gecələyib.
Bu barədə "Sankei" yazıb.
Noyabrın 23-də axşam saat 10 radələrində Kişidanın korteji naməlum səbəblərdən təcili olaraq rəsmi iqamətgahı tərk edərək yaxınlıqdakı mehmanxanada dayanıb. Qəfil evakuasiyanın dəqiq səbəbləri açıqlanmayıb, baş nazirin köməkçiləri mediaya çox qeyri-müəyyən şərh veriblər: “Rəsmi iqamətgahda avadanlıqla bağlı problem yaranıb. Təhlükəsizlik baxımından konkret səbəblər deyə bilmərik”. İnternetdə qırılan borular, partlayıcı maddələrin aşkarlanması və paranormal səbəblərlə bağlı fərziyyələr peyda olub.
Baş nazirin şəxsi mənzillərinin yerləşdiyi bina 1929-cu ildə tikilib. Baxmayaraq ki, bu iki mərtəbəli bina xüsusi olaraq dövlət başçısı üçün nəzərdə tutulmuşdu, lakin bu illər ərzində çoxları onun narahatlığını, köhnə kommunikasiyalarını və - ən qeyri-adi halda - ruhların mövcudluğunu qeyd etdilər. Kişida baş nazir vəzifəsinə gəlməzdən əvvəl iqamətgahdakı mənzillər on il idi ki, boş idi. Kişidanın sələfləri öz evlərində və ya Akasakada parlament üzvləri üçün yataqxanada yaşamağa üstünlük verirdilər.
