Avstraliyada elektrik avtomobilinin akkumulyatoru 5 avtomobilin yanmasına səbəb oldu
Avstraliyanın Sidney hava limanının dayanacağında elektriklə işləyən avtomobilin litium-ion akkumulyatorunun alışması nəticəsində baş verən yanğında 5 avtomobil yanıb.
ABC News-un məlumatına görə, Sidney hava limanının dayanacağında baş verdiyi bildirilən yanğına Yeni Cənubi Uels (NWS) əyalətinin yanğın-xilasetmə qrupları və hava limanının xilasetmə qrupları müdaxilə edib. Qruplar yanğının dayanacaqda lüks avtomobildən çıxarılaraq altında qalan litium-ion batareyanın alışması nəticəsində baş verdiyini müəyyən ediblər. Akkumulyatordan çıxan qığılcımların daha sonra yaxınlıqda park edilmiş 4 avtomobilə keçdiyini bildirən qruplar, yanğında 5 avtomobilin külə döndüyünü açıqlayıb.
Yanğına səbəb olan akkumulyatorun avtomobildən hansı səbəbdən çıxarıldığı hələlik məlum deyil.
