Avropa Komissiyası Priqojinin ölümü ilə bağlı məlumatın düzgünlüyünə şübhə edir
Avropa Komissiyası Yevgeni Priqojinin ölümü ilə bağlı məlumatların etibarlılığına şübhə ilə yanaşır.
“Bu gün Rusiyadan çıxan demək olar ki, heç bir şey inandırıcı deyil. Bəli, “Vaqner Qrupu”nun rəhbəri Yevgeni Priqojinin, eləcə də onun ətrafının üzvlərinin həlak olduğu iddia edilən təyyarə qəzası xəbərlərini görmüşük". DW xəbər verir ki, bunu Avropa İttifaqının xarici siyasət xidmətinin rəsmi nümayəndəsi Piter Stano bildirib.
“Rusiyada bir çox başqa şeylər kimi, bunu yoxlamaq çox çətindir. O ki qaldı onun mümkün ölümünə, nə yoxlamaq, nə də bunun mümkün nəticələri barədə danışmaq bizə düşmür”, - deyə o əlavə edib və indiki mərhələdə bunların sadəcə fərziyyələr olduğunu vurğulayıb.
