BMT Şimali Koreyanı nüvə təhlükəsizliyini qorumağa çağırıb
BMT-nin baş katibinin köməkçisi Xalid Hiari BMT Təhlükəsizlik Şurasının iclasında bildirib ki, KXDR-in öz nüvə obyektlərində yüksək səviyyədə təhlükəsizliyi təmin etməsi vacibdir.
"Koreya yarımadasının tam və yoxlanıla bilən nüvəsizləşdirilməsini gözləyərkən, KXDR-in nüvə obyektlərində təhlükəsizliyi ən yüksək səviyyədə saxlaması mütləqdir", - deyə Hiari bildirib.
Beş il əvvəl, 2018-ci il iyunun 12-də ABŞ və KXDR arasında ilk sammit keçirilib. Sonra Sinqapurda Amerika prezidenti Donald Tramp və Şimali Koreya lideri Kim Çen In görüşüb. Nəticədə tərəflər ABŞ-ın KXDR-ə təhlükəsizlik zəmanəti verməyi öhdəsinə götürdüyü sənəd imzalayıb. Öz növbəsində Kim Çen In Koreya yarımadasının tam nüvəsizləşdirilməsinə sadiq olduğunu bəyan edib. Lakin bəyannamədə konkret addımlar göstərilməyib.
