ABŞ-ın Ukraynaya verdiyi zəmanətlər səbəbindən nüvə müharibəsi təhlükəsi yaranıb - ehtiyatda olan zabit
NATO-nun Ukraynaya verdiyi zəmanət sonda Rusiya ilə nüvə müharibəsinə səbəb ola bilər.
AFN.az xarici mediaya istinadən xəbər verir ki, bu barədə ABŞ-ın istefada olan polkovniki Daniel Davis bildirib. O hesab edir ki, ABŞ və ya NATO Ukraynaya Rusiya ilə münaqişəyə girmək üçün möhkəm zəmanət versə, bu, nüvə müharibəsinə gətirib çıxara bilər.
"Bütün bunlar lazımsız risk yaradır", - deyə ehtiyatda olan polkovnik bildirib.
Davisin fikrincə, Ukrayna adından nüvə silahı olan Rusiyaya qarşı müharibəyə başlamaq ABŞ-ın maraqlarına uyğun deyil. O qeyd edib ki, indi Vaşinqtonun Kiyevə heç bir möhkəm zəmanət vermədən, əvvəllər olduğu kimi, Ukraynanı silahla dəstəkləmək siyasətinə riayət etməsi daha yaxşıdır.
Devis qeyd edib ki, ilk növbədə Amerika ordusu ABŞ-ın təhlükəsizliyini və artıq NATO-ya üzv olan digər ölkələrə verilən təminatları təmin etməlidir.
ABŞ və digər Qərb ölkələri Ukraynaya ikitərəfli zəmanət verə bilər. Onlar maliyyə yardımı, hərbi təchizat, əsgərlərin təlimi və kəşfiyyat məlumatlarının ötürülməsində ifadə olunacaq.
