Avropa Parlamenti Kaxovskaya SES-in partladılmasını Rusiyanın hərbi cinayəti kimi tanıyıb
Avropa Parlamentinin deputatları Kaxovka su elektrik stansiyasının (SES) bəndinin dağıdılmasını Rusiyanın hərbi cinayəti kimi tanıyıblar.
AFN.az xəbər verir ki, bu barədə Avropa Parlamentinin Strasburq görüşündən sonra yaydığı press-relizdə deyilir.
Avropalı siyasətçilər Rusiya hərbçiləri tərəfindən Kaxovka su elektrik stansiyasının (SES) zədələnməsini pisləyiblər. "Bu əməllə bağlı müvafiq tədbirlər görülməlidir" - deyə parlamentarilər qeyd ediblər.
Avropa Parlamenti Ukraynanı bərpa etmək üçün Ukraynaya dəstəyin davam etdirilməsinə, Rusiya Federasiyasına qarşı yeni sanksiyaların tətbiqinə və rus oliqarxlarının dondurulmuş aktivlərinə həbs qoyulmasına çağırıb.
