OPEC: "Mayda qlobal neft tədarükü 1 milyon barel azalıb"
Neft İxrac Edən Ölkələr Təşkilatı (OPEC) qlobal neft tədarükünün may ayından əvvəlki ayla müqayisədə gündəlik təxminən 1 milyon barrel azalaraq 100 milyon 200 min barrelə düşdüyünü bildirib.
OPEC-in aylıq neft bazarı hesabatına görə, qrupun may ayında gündəlik xam neft hasilatı əvvəlki aya görə 464 min barrel azalaraq 28 milyon 60 min barel olub.
OPEC-in qlobal neft hasilatındakı payı 28 faiz olaraq qeydə alınıb.
Bu dövrdə OPEK daxilində xam neft hasilatı ən çox Nigeriya, İran və Anqolada artıb. Xam neft hasilatının ən çox azaldığı ölkələr Səudiyyə Ərəbistanı, Birləşmiş Ərəb Əmirlikləri (BƏƏ) və Küveyt olub.
Əvvəlki ayla müqayisədə gündəlik hasilat Nigeriyada 171 min barrel, İranda 61 min barel, Anqolada 54 min barrel artıb, Səudiyyə Ərəbistanında 519 min barrel, BƏƏ-də 140 min barrel, Küveytdə 95 min barrel azalıb.
Eyni dövrdə OPEC-ə üzv olmayan ölkələrdə gündəlik neft hasilatı təxminən 600 min barrel azalaraq 72 milyon 200 min barelə düşüb.
Belə ki, qlobal neft təklifi may ayından əvvəlki ayla müqayisədə sutkada təxminən 1 milyon barel azalaraq 100 milyon 200 min barel səviyyəsinə düşüb, bu isə ötən ilin səviyyəsindən təxminən 1 milyon 700 min barel çoxdur.
Hesabata görə, bu il qlobal neft tələbinin ötən illə müqayisədə gündəlik 2 milyon 350 min barrel artaraq 101 milyon 910 min barrelə çatacağı gözlənilir.
