Uşağa hansı yaşda şokolad və kakao vermək olar? - mütəxəssis rəyi
Bir çox valideynlər uşağa hansı yaşda kakao və şokolad verilə biləcəyi ilə maraqlanırlar. Qeyd etmək yerinə düşər ki, bu təamları vaxtından əvvəl qəbul etmək zərərlidir.
Mövzu ilə bağlı ukraynalı pediatr Daria Vlasenko şərh verib. O, bildirib ki, kakao və şokolad məhsullarından 2 yaşa qədər imtina etmək daha yaxşıdır, çünki onların tərkibində kofein və çox vaxt şəkər var. Bununla belə, körpənin ilk doğum günündən sonra kiçik şokolad parçaları və kiçik qurtumlar isti kakao, digər alkoqolsuz kakao və ya şokolad içkisi təhlükəsizdir.
Şokolad və kakao uşaqlar üçün faydalıdırmı deyə sual etsək, pediatr deyir ki, xeyir. "Kakao və şokoladda kofein və teobromin kimi digər stimulyatorlar var ki, bu da uşağın inkişafına və sinir sisteminə təsir göstərir. Bundan başqa, həddindən artıq miqdarda kofein iştahı azalda, əsəbiliyə səbəb ola, yuxuya təsir edə və reflü artıra bilər və körpə yaşlı uşaqlar böyüklərdən daha çox kofeinə həssasdırlar".
100 mq ilə 400 mq arasında kofein qəbulu əsəbilik, çaşqınlıq və təlaşa səbəb ola bilər.
Məlumat üçün bildirək ki, tünd şokoladın 45 qramında (orta bar) təxminən 19 mq kofein var. Südlü şokoladın hər 45 qramında təxminən 9 mq kofein var. Məsələn, bir fincan (350 ml) qəhvədə təxminən 140 mq kofein var, buna görə də bu, nisbətən kiçik bir miqdar olsa da, kofein kiçik uşaqlar üçün tövsiyə edilmir. Ağ şokoladda kofein yoxdur, çünki o, kakao qatı maddələrindən deyil, yalnız kakao yağından hazırlanır.
Kofein gənc uşaqlar üçün son dərəcə vacib bir mineral olan kalsiumun udulmasına da mane ola bilər.
Bundan əlavə, kakao və şokolad məhsulları yüksək əlavə şəkər tərkibinə malikdir, bu da 2 yaşından əvvəl tövsiyə edilmir.
Sözügedən qidalar həmçinin piylənmə və 2-ci tip diabet riskini artırır, ürək-damar sağlamlığına mənfi təsir göstərir.
