Barış Mançonun vəsiyyəti ölümündən 24 il sonra açıqlandı
“2023-cü ildə Barış Mançonu mütləq səhnəyə çıxaracağıq”.
AFN.az xəbər verir ki, Barış Mançonun həyat yoldaşı Lale Manço Ahıska sənətçinin illər əvvəl etdiyi vəsiyyəti paylaşıb. Anadolu rok və pop müğənnisi, bəstəkar, söz yazarı və televiziya proqramçısı Barış Manço vəfatının 24-cü ildönümündə anılır. Bançonu anma tədbirləri çərçivəsində sənətçinin Modadakı evi bu il saat 24.00-a qədər ziyarətçilərin üzünə açıq olacaq. Bundan əlavə, Barış Manço qayığı fevralın 5-də sənətçinin pərəstişkarlarını qonaq edəcək.
Barış Mançonun həyat yoldaşı Lale Manço Ahıska sənətçinin illər əvvəl etdiyi vəsiyyəti paylaşıb. Barış Mançonun “qayalar oğlu” ifadəsi ilə poetik proloqla başlayan “2023” əsərinin çox maraqlı kompozisiya olduğunu deyən Ahıskalı “Türkiyə Cümhuriyyətinin 100-cü ildönümünə istinadla yazılmış mətndir. 2023 və Türkiyə Cümhuriyyətinə olan inancı. Bu, onun gücünə və necə ayağa qalxacağına inandığını göstərir. Məncə, çox təsir edici bir mətndir" - deyə bildirib.
"2023" əsərinin tərtibindən 50 il keçdiyini sözlərinə əlavə edən Ahıskalı qeyd edib: "2023" əsəri ilə bağlı Barış Mançonun da bir vəsiyyəti var. "2023-cü ildə 80 yaşım olacaq. O zaman bəlkə Doğukanın qolunda səhnəyə çıxıb, simfonik orkestrin müşayiəti ilə 2023-cü il əsərimi ifa edəcəm" demişdi. Biz onun vəsiyyətini əmr kimi qəbul edirik və mütləq yerinə yetirəcəyik”.
Barış Mançonun holoqramının da yer alacağı layihə haqqında məlumat verən Ahıskalı, "2023-cü ildə Barış Mançonu mütləq səhnəyə çıxaracağıq, simfoniyanın müşayiəti ilə "2023"-ü dinləyəcəyik" - deyə əlavə edib.
Lale Manço Ahıskalı 1975-ci ildə hələ 20 yaşında ikən tanış olduğu sənətçi ilə 25 il keçirdiklərini bildirib.
Sənətçi ilə təsadüfən tanış olduğunu dilə gətirən Ahıskalı, "Həyatımızda hər zaman üç il fasilələrlə bəzi mərhələlər olub. 1975-ci ildə tanış olduq, 1978-ci ildə evləndik, 1981-ci ildə Doğukan, 1984-cü ildə Batıkan dünyaya gəldi. Bu dövr Barış Mançonun məşhur olduğu dönəmlər idi. Onun səhnədə möhtəşəm konsertlər verdiyi, gözəl bəstələr verdiyi və çox yaxşı albomlar çıxardığı dövr idi" - deyib.
Lale Manço Ahıskalı sənətçinin mahnılarının ölümündən sonra da gənclərin ruhuna toxunmağa davam etdiyini və heyranlıqla dinlənildiyini vurğulayıb.
