Xarici İşlər Nazirliyi: Rusiya Ukraynada təhlükəsizlik mövzusunda Avropa ilə danışıqlardan imtina etməyib
Rusiya heç vaxt Avropa ilə bərabərhüquqlu dialoqdan və təhlükəsizlik problemlərinin həlli yollarının axtarışından əl çəkməyib.
AFN.az xəbər verir ki, bu barədə Rusiya Xarici İşlər Nazirliyinin açıqlamasında deyilir. "Rusiyanın Ukrayna ilə danışıqlarda mövqeyi hamıya məlumdur. Biz dəfələrlə təsdiqləmişik ki, danışıqlara açığıq və bu danışıqlarda əlbəttə ki, yeni coğrafi və siyasi reallıqlar nəzərə alınmalıdır”, - açıqlamada vurğulanır.
Avropa liderlərinin Ukrayna üzrə danışıqlarda mümkün iştirakı ilə bağlı suala cavabında Rusiya Xarici İşlər Nazirliyindən qeyd edilib ki, Merkel və Ollandın Minsk razılaşmalarının əsl məqsədi ilə bağlı özünü ifşa edən etiraflarından sonra onlara praktiki olaraq heç bir etimad yoxdur: "Səkkiz ildən artıqdır ki, Aİ ölkələri sistemli şəkildə Donbassda baş verənlərə məhəl qoymayıb, Kiyevin dünyəvi “Tədbirlər Paketi” çərçivəsində öz öhdəliklərinin təxribatına yol verib. Avropa ölkələri Ukrayna silahlı qüvvələrinin və millətçi birləşmələrinin Donbassın mülki infrastrukturunu atəşə tutaraq hər gün necə soyqırım törətdiyini görmürlər və eyni zamanda Ukraynada bütün ruslara qarşı total ayrı-seçkiliyə diqqət yetirmirlər.
Avropa İttifaqı və ABŞ diplomatiya və danışıqlar mədəniyyətini itirib və qarşı tərəfin maraqlarından asılı olmayaraq hər kəsə nəyisə sırımağa, birtərəfli fayda əldə etməyə çalışırlar. Biz nə avropalı tərəfdaşlarla bərabərhüquqlu dialoqdan, nə də təhlükəsizlik problemlərinin həlli yollarının axtarışından heç vaxt imtina etməmişik. Biz ümidimizi itirmirik ki, gec-tez Avropada elə siyasi qüvvələr görəcəyik ki, onlar xaricdə kiminsə xoşuna gəlmək istəyinə deyil, öz milli maraqlarına arxalana biləcəklər. Sonra kiminlə danışıqlar aparacaqlar".
