Məşhur psixoloqdan qalmaqallı açıqlama: "Əgər qadın cinsi əlaqədə deyilsə..."
Klinik psixoloq Esra Ezmeci sosial mediada izləyicilərinin suallarını cavablandırıb. Ezmeci son olaraq izləyicilərinə cinsi əlaqə məsləhətləri verib.
AFN.az xəbər verir ki, məşhur psixoloqun paylaşımı sosial medianı istifadəçilərini iki yerə bölüb."Qadın cinsi əlaqədə deyilsə, həyatında nə səhv olur?" paylaşımında Esra Ezmeci “Seks çoxalma üçün deyil, həm də mənəvi məmnunluq üçün çox xüsusi bir yaxınlıq və fəaliyyət formasıdır” - deyə bildirib: "Evlilikdə cinsi əlaqə həm qadınların, həm də kişilərin fiziki və emosional sağlamlığı ilə yanaşı, əlaqənin ümumi sağlamlığı üçün də əhəmiyyətlidir. Araşdırmalara görə, nizamlı cinsi əlaqədə olan fərdlərin bir çox xəstəliyə tutulma ehtimalı daha azdır. Bundan əlavə, orqazm zamanı ifraz olunan oksitosin hər iki fərd üçün sağlam bədən, ağıl və maddələr mübadiləsini təmin edir. Evliliyinizdə cinsiyyətə və cinsi məmnuniyyətə önəm verin".
Psixoloqun bu paylaşımına münasibət birmənalı olmayıb. Bəzi istifadəçilər bunu bəyəndiyi halda, bəziləri "Sağlamlıq üçün evlənək", "Çox ümumi bir paylaşım" kimi şərhlər yazıblar.
