Əfqanıstanda qızların universitetdə oxuması rəsmən qadağan edilib
Əfqanıstanın Ali Təhsil Nazirliyi qızların orta məktəbdə təhsil almalarına qadağa qoyulduqdan sonra onların universitetə getməsinin də rəsmən qadağan edildiyini açıqlayıb.
AFN.az xarici mediaya istinadən xəbər verir ki, Əfqanıstan Ali Təhsil Nazirliyinin sözçüsü Hafiz Zeiyaullah Haşimi bu barədə sosial media hesabında məlumat verib. Əfqanıstanın bütün dövlət və özəl universitetlərinə təqdim edilən qərarda deyilir: “Nazirlər Şurasının qərarına əsasən, qızların təhsili ikinci əmrə qədər dayandırılıb, xahiş edirəm, nazirliyə ən qısa zamanda təminat verin”.
Qərardan əvvəl universitetlərdəki qız tələbələr kişi tələbələrdən ayrı oturmaq və müəyyən geyim qaydalarına uyğun geyinmək şərti ilə dərslərdə iştirak edə bilərdilər.
