Qızlar arasında intellektual oyunlara marağın təşviqi istiqamətində növbəti tədbir İsmayıllıda keçiriləcək
Ailə, Qadın və Uşaq Problemləri üzrə Dövlət Komitəsi, Elm və Təhsil Nazirliyi, Gənclər və İdman Nazirliyi, Azərbaycan Şahmat Federasiyasının birgə təşkilatçılığı və UNİCEF-in dəstəyi ilə 12 avqust 2022-ci il tarixində saat 11:00-da İsmayıllı Olimpiya İdman Kompleksində Qobustan, Şamaxı, Ağsu, İsmayıllı və Qəbələ rayonlarından olan qızlar arasında (150 nəfər) şahmat üzrə turnir və ustad dərsləri keçiriləcək.
Ustad dərslərini şahmat üzrə Azərbaycanın beynəlxalq qrossmeysterləri Aynur Sofiyeva, Zeynəb Məmmədyarova və Türkan Məmmədyarova keçirəcəklər.
Tədbir Xurşidbanu Natəvanın 190 illiyinə həsr olunur.
Qeyd edək ki, tədbir qızlar arasında intellektual oyunlara marağın təşviqi, analitik düşünmə qabiliyyətinin formalaşdırılması və onların asudə vaxtının səmərəli təşkil edilməsi məqsədi daşıyır.
