Ukrayna casusların siyahısını əldə etdiyini açıqlayıb
Ukrayna Müdafiə Nazirliyinin Baş Kəşfiyyat İdarəsi Avropada cinayət əməlləri törətmiş Rusiya Federal Təhlükəsizlik Xidməti əməkdaşlarının siyahısını əldə etdiyini açıqlayıb.
Novator.az saytı xəbər verir ki, siyahı Baş Kəşfiyyat İdarəsinin rəsmi internet səhifəsində yerləşdirilib.
İdarənin bununla bağlı bəyanatında vurğulanıb: “Qoy hər bir avropalı onların kimliyini bilsin”.
Siyahıda 620 nəfərin ad-soyadı, həmçinin onların iş yerləri, qeydiyyatda olduqları ünvanlar, pasport məlumatları, avtomobillərinin markası, modeli, nömrələri və digər bilgilər göstərilib.
