Eriksen ürək əməliyyatı keçirəcək
Danimarka millisinin futbolçusu Kristian Eriksen əməliyyat olunacaq.
29 yaşlı yarımmüdafiəçinin ürəyinə implant kardioverter-defibrilyator yerləşdiriləcək. Bu cihaz ürəyin qəfil dayanmasının qarşısını alır.
Xatırladaq ki, Avro-2020-nin B qrupunda iyunun 12-də keçirilən Danimarka – Finlandiya oyununun gedişində Kristien Eriksenin səhhətində ciddi problem yaranmış, futbolçu ilkin tibbi yardımdan sonra birbaşa xəstəxanaya təxliyyə olunmuşdu.(Qafqazinfo)
