MDB PA-nın 52-ci plenar iclasında bir sıra sənədlər qəbul edilib
“Report”un Rusiya bürosunun verdiyi məlumata görə, iclasda pandemiya dövründə miqrasiya proseslərinin qanunvericiliklə tənzimlənməsi və MDB-yə üzv dövlətlərin parlamentlərinin bu prosesdəki rolu müzakirə olunub.
Ümumi qərarla uşaqların sağlamlıq hüquqlarının qorunmasını tənzimləyən "MDB-yə üzv dövlətlərdə uşaqların sağlamlıq hüquqlarının təmin edilməsi haqqında” qanun və “Vətəndaşların hüquqi statusu haqqında məlumatları əldə etmək haqqında” qanun qəbul edilib.
Koronavirusun yayılması nəzərə alınaraq təklif edilmiş sənədlər arasında “MDB-yə üzv dövlətlərdə tibbi yardımın göstərilməsinə dair klinik tövsiyələr haqqında” qanunu da olub. Bu sənəd tibbi yardımın göstərilməsinə dair elmi və klinik sübut olunmuş məlumatların sistematik təhlilini əks etridən sənədləri özündə cəmləşdirir.
