Əsirlikdən qayıdan azərbaycanlı gördüyü işgəncələrdən danışıb
“Əsirlikdə olan zaman işgəncələrə məruz qaldım. Toka verirdilər və s. işgəncələr edirdilər. Vətənə qayıdan zaman ayaqlarım işləmirdi. Əgər ayaqlarım işləsəydi, torpaqlarımızı öpərdim”.
“Report” xəbər verir ki, bunu Beynəlxalq Münasibətlərin Təhlili Mərkəzində keçirilən mətbuat konfransında erməni əsirliyində olmuş hərbi qulluqçumuz Kərimov Bayram Yaşar oğlu deyib.
O deyib ki, Vətənə, yaxınlarının yanına döndüyü üçün Ali Baş Komandana minnətdarlığını bildirir:
“Məhz onun sayəsində Ordumuz torpaqlarımızı işğaldan azad etdi”.
