Ucarda minik avtomobili "TİR"la toqquşdu: 1 ölü, 4 yaralı - YENİLƏNİB, FOTOLAR
Ucarda yol qəzasında ölən və xəsarət alanların adları məlum olub.
Qəza nəticəsində ölən şəxsin Gürcüstan vətəndaşı Qərəkməzli Namiq Vahid oğlu olması müəyyən ediulib.
Xəsarət alanlar isə Bakı şəhər sakinləri – sürücü, Eldar Tofiq oğlu Qarayev, Sahib Eldar oğlu Qarayev, Fatimə Sabir qızı Qarayeva və Kamalə Sabir qızı Əliyevadır.
***
saat 16:13
Ucarda baş verən yol qəzasında xəsarət alanlardan biri ölüb.
Xəsarət alanlardan bir nəfəri xəstəxanaya aparılarkən yolda dünyasını dəyişib.
***
saat 16:03
Ucarda ağır yol qəzası baş verib.
APA-nın yerli bürosunun xəbərinə görə, hadisə bu gün saatlarında Bakı-Qazax yolunun Ucar rayonunun Qaradağlı kəndi ərazisindən keçən hissəsində qeydə alınıb.
Bakı şəhər sakini, 1964-ci il təvəllüdlü Eldar Tofiq oğlu Qarayevin idarə etdiyi "Mercedes" markalı minik maşını ilə Türkiyə vətəndaşının idarə etdiyi "TİR" toqquşub. Qəza nəticəsində 5 nəfər xəsarət alıb. Maşında sıxılmış vəziyyətdə qalan şəxsləri Fövqəladə Hallar Nazirliyinin xilasediciləri çıxarıb. Yaralılar Ucar Mərkəzi Rayon Xəstəxanasına yerləşdiriliblər.
Faktla bağlı araşdırma aparılır.
