Köhnə qaz limitləri silindi, sabahdan necə hesablanacaq?
Sabahdan bu il üçün istifadə olunan bütün limitlər sıfırlanacaq.
Bu sözləri İqtisadiyyat naziri Şahin Mustafayev jurnalistlərin suallarını cavablandırarkən deyib.
"İstehlakçılara 2019-cu il may ayının birindən növbəti ilin may ayına qədər 2200 kubmetr qaz limiti veriləcək".
Qeyd edək ki, sabahdan ölkəmizdə qazın aşağı tariflə illik istehlak həcmi 1700 kubmetrdən 2200 kubmetrə qədər artırılır.
Qərar bu gün Tarif Şurasının iclasında qəbul edilib.
