Kallas Aİ-ni qısamüddətli çətinliklərə dözməyə çağırdı
Avropa İttifaqı (Aİ) Rusiyaya qarşı sanksiyalara görə yarana biləcək narahatlıqlara dözməlidir.
AFN.az xəbər verir ki, bu barədə Aİ-nin xarici işlər və təhlükəsizlik siyasəti üzrə ali nümayəndəsi Kaja Kallas bildirib.
Kallasın sözlərinə görə, ittifaq artıq o qədər çox sanksiya qəbul edib ki, bəzi ölkələrdə bu məsələdə razılıq zəifləməyə başlayıb.
Buna baxmayaraq, o, Rusiyaya təzyiqləri artırmağa və Ukraynaya kömək göstərməyə çağırıb.
Avrodiplomatiyanın rəhbəri vurğulayıb ki, uzunmüddətli qazanc naminə qısamüddətli ağrılara dözməyə razı olmalıyıq.
