İspaniyada may ayında dəniz suyunda rekord istilik qeydə alınıb
İspaniyanın müvafiq qurumu may ayında ölkə sahillərinin böyük hissəsində dəniz suyunun temperaturunun rekord həddə çatdığını açıqlayıb.
AFN.az xəbər verir ki, rəsmi məlumata görə, sahildən uzaq (dərin su) zonadakı 15 dəniz şorundan (buxomundan) 12-si, sahilboyu nöqtələrdə isə 14 şorun 6-sı may ayı üçün tarix boyu ən yüksək temperatur göstəricisini qeydə alıb.
Dövlət Meteorologiya Agentliyinin (AEMET) rəsmisi Ruben del Kampo bu anomaliyanın birbaşa insan amili tərəfindən törədilən qlobal iqlim dəyişikliyi ilə bağlı olduğunu bildirib: "Son onillikdə ölkədə cəmi 7 rekord soyuq gün qeydə alındığı halda, 221 rekord isti gün yaşanıb".
Ekspert həmçinin əlavə edib ki, may ayındakı bu rekord dəniz istiliyi BMT-nin yaxın aylarda Sakit okeanda başlayacağını və oktyabr-noyabrda pik həddə çatacağını proqnozlaşdırdığı "El-Ninyo" təbii fenomeni ilə əlaqəli deyil.
