İtaliya ABŞ-ın Aİ-yə tariflər tətbiq etməsini “yanlış tədbir” kimi qiymətləndirib
İtaliyanın baş naziri Giorgia Meloni ABŞ-ın Avropa İttifaqına (Aİ) gömrük rüsumları tətbiq etməsini yanlış tədbir kimi qiymətləndirib
.ABŞ prezidenti Donald Tramp dünən digər ölkələrə qarşılıqlı tariflər tətbiq edəcəklərini açıqladıqdan sonra İtaliya Aİ ilə nəzərdə tutulan 20 faizlik qarşılıqlı tariflərə reaksiya verib.
Baş nazir Meloni "Facebook" hesabında etdiyi paylaşımda "ABŞ-ın AB-yə gömrük tarifləri tətbiq etməsini səhv addım hesab edirəm və bu, heç bir tərəfin marağında deyil" deyib.
Ticarət müharibələrinin risklərinə diqqət çəkən Meloni "Biz ABŞ-la razılığa gəlmək üçün əlimizdən gələni edəcəyik. Çünki belə bir ticarət müharibəsinin Qərbi zəiflədəcəyinə və digər qlobal aktorların xeyrinə işləyəcəyinə inanırıq. Hər halda, biz həmişə olduğu kimi İtaliyanın və onun iqtisadiyyatının maraqlarını qoruyaraq, digər avropalı tərəfdaşlarımızla məsləhətləşərək hərəkət edəcəyik" deyib.
