Rutte: Qrenlandiya Danimarkanın tərkibində qalmalıdır
NATO hesab edir ki, Qrenlandiya Danimarkanın tərkibində qalmalıdır.
AFN.az xarici mediaya istinadən xəbər verir ki, bu barədə NATO-nun baş katibi Mark Rutte Brüsseldə keçirdiyi mətbuat konfransında bildirib. O qeyd edib ki, Alyans bütün Arktika ölkələrini Rusiya və Çinə qarşı mübarizədə fəal əməkdaşlığa çağırır.
"Qrenlandiya Danimarkanın bir hissəsidir və olaraq qalır. Amma bu, Arktikaya nəzarətlə bağlı daha geniş məsələdir və burada ABŞ daxil olmaqla, bütün NATO-Arktika ölkələri Rusiya və Çinə qarşı mübarizədə fəal əməkdaşlıq etməlidirlər", - deyə Rutte Danimarkaya kimin nəzarət etməli olması haqda suala cavabında bildirib.
Baş katib həmçinin NATO ölkələri arasında buzqıran gəmilərin çatışmazlığı haqda danışıb.
