Avstraliyada məscidə qarşı təhdid mesajları yazan uşaq həbs edilib
Avstraliyada 16 yaşlı uşaq Sidneydəki məscidi hədəf alan hədələyici mesajları internetdə yerləşdirdiyinə görə həbs edilib.
"ABC News"un məlumatına görə, uşaq Sidneydə yeni açılan Avstraliya İslam Evi və Məscidi haqqında onlayn paylaşımlar edib.
Yazıda uşaq 2019-cu il martın 15-də Yeni Zelandiyada məscidlərə edilən terror aktına istinad edərək, ikincisinin də yolda olduğunu qeyd edib.
Uşaq öz paylaşımından sonra internetdə zorakılıq xarakterli təhdidlər etmək ittihamı ilə nəzarətə götürülüb.
