Avropa Ukraynanın demilitarizasiyası ilə bağlı razılaşmaya icazə verməyəcək - Şolz
Almaniya kansleri Olaf Şolz Ukrayna münaqişəsinin həlli ilə bağlı danışıqlara Avropa İttifaqının cəlb edilməsinin vacibliyinə diqqət çəkib və bəyan edib ki, Avropa heç kimə Ukraynanın demilitarizasiyası ilə bağlı razılığa gəlməyə imkan verməyəcək.
Şolz Ukrayna ilə bağlı eksklüziv ABŞ-Rusiya müqavilələrinin bağlanması ehtimalına qarşı çıxıb. "Biz avropalılar buna imkan verməyəcəyik. Biz həmçinin Ukraynanın demilitarizasiyası ilə bağlı heç kimin razılığa gəlməsinə imkan verməyəcəyik", - deyə o, bazar günü seçki debatları zamanı deyib. Eyni zamanda Almaniya kansleri bir daha bəyan edib ki, Ukraynaya güclü ordu lazımdır.
ABŞ-ın Avropanın münaqişənin həlli üçün danışıqlar masasında fiziki olaraq iştirak etməyəcəyi ilə bağlı bəyanatına cavabında Şolz deyib: "Bunu bizsiz etmək mümkün deyil. Əlbəttə, bizim deməyə sözümüz var". Eyni zamanda, Almaniya hökumətinin başçısı avropalıların səsvermə hüququna malik olduğunu vurğulayıb. Onun sözlərinə görə, Avropanın iştirakı olmadan heç bir təhlükəsizlik zəmanəti olmayacaq.
