FTC uşaqları aldatdığına görə "Genshin Impact" yaradıcılarını cərimələyib
Federal Ticarət Komissiyası (FTC) ABŞ-da "Genshin Impact" istehsal edən "Cognosphere" şirkətini Uşaqların Məxfilik Qanununu pozduğuna görə 20 milyon dollar cərimələyib və qənimət qutularının satışını qadağan edib.
Bu barədə FTC-nin saytında məlumat verilir.
Qənimət qutuları təsadüfi düşən əşyalar dəsti olan oyundaxili qablardır. Müqavilə çərçivəsində şirkət kompensasiya ödəməli və valideynlərinin razılığı olmadan öz işlərinin 16 yaşına çatmamış uşaqlara satılmasının qarşısını almalıdır.
FTC İstehlakçıların Hüquqlarının Müdafiəsi Bürosunun direktoru Samuel Levinin sözlərinə görə, "Genshin Impact" uşaqları, yeniyetmələri və digər oyunçuları qazanmaq şansları az olan mükafatlara yüzlərlə dollar xərcləməyə məcbur edib.
"Bu taktikadan istifadə edən şirkətlər əgər oyunçuları, xüsusən də uşaqları və yeniyetmələri oyundaxili əməliyyatların əsl dəyəri barədə aldadacaqlarsa, cavabdeh olacaqlar" məlumatda deyilib.
FTC həmçinin Genshin Impact yaradıcılarından əşyaların qənimət qutularından düşmə ehtimalını və çoxsəviyyəli virtual valyutanın məzənnələrini açıqlamağı tələb edib.
