Cənubi Koreya "super yaşlı cəmiyyət" kateqoriyasına daxil olub
Cənubi Koreya Daxili İşlər Nazirliyi ölkədə əhalinin 20 faizinin 65 və daha yuxarı yaşda olan insanlardan ibarət olduğunu bildirərək, Cənubi Koreyanın “super yaşlı cəmiyyət” kateqoriyasına aid olduğunu açıqlayıb.
"Yonhap"ın xəbərinə görə, Cənubi Koreya Daxili İşlər Nazirliyinin bəyanatına əsaslanaraq, ölkədə 65 və yuxarı yaşda olanların sayı 10,24 milyon nəfərə çatıb.
51,22 milyonluq əhalinin 20 faizini yaşlılar təşkil etdiyi üçün Cənubi Koreya “super yaşlılar cəmiyyəti” kateqoriyasına daxil olub.
Daxili İşlər Nazirliyi əhaliyə yönəlmiş nazirliyin yaradılması ilə tədbirlərin görülməsinə təcili ehtiyac olduğunu qeyd edib.
2008-ci ildə 4,94 milyon nəfər olan ölkədə yaşlı əhalinin sayı 2019-cu ildə ölkə əhalisinin 15 faizini ötüb.
Bu ilin əvvəlinə ahıllar əhalinin 19,05 faizinə çatıb.
2017-ci ildə Cənubi Koreya "yaşlılar cəmiyyəti" kateqoriyasına düşüb, çünki 65 və yuxarı yaşda olan insanlar əhalinin 14 faizini təşkil edirdi.
Birləşmiş Millətlər Təşkilatı yaşı 65 və daha çox olan insanların sayının əhalinin 7 faizindən çox olan ölkələri “qocalan cəmiyyət”, 14 faizi keçən ölkələri “qocalar cəmiyyəti” və 20 faizdən çox olan ölkələri isə "super yaşlı cəmiyyət" kimi təsnif edir.
2023-cü ildə 0,72 ilə doğum nisbətinin ən aşağı olduğu ölkələr sırasında olan Cənubi Koreyada sosial-iqtisadi səbəblərə görə doğum nisbətləri azalır.
