Avropa fond bazarlarında mənfi tendensiya müşahidə olunur
Regiondan gələn iqtisadi məlumatlara əsasən, İtaliya istisna olmaqla, Avropa fond bazarlarında mənfi tendensiya müşahidə olunur.
Stoxx Europe 600 göstərici indeksi 0,1 faiz azalaraq 516 bənd, Almaniyada DAX 40 indeksi 20,385 bənd, İngiltərədə FTSE 100 indeksi isə 8,302 bənd səviyyəsində sabit qalıb.
İtaliyada MIB 30 indeksi 0,2 faiz artımla 34 974 bənddən, Fransada CAC 40 indeksi 0,4 faiz dəyər itkisi ilə 7 380 bənddən, İspaniyada IBEX 35 indeksi üfüqi olaraq 11 754 bənddən satılır.
Qlobal bazarlar həftəyə ABŞ Federal Ehtiyat Sistemi (Fed) başda olmaqla mühüm mərkəzi bankların pul siyasəti qərarlarının təqib ediləcəyi qarışıq notda başlayıb.
Avropa Mərkəzi Bankı (ECB) Kristin Laqard bu gün verdiyi açıqlamada, "Biz hələ də inflyasiyanın proqnozlarımızda qeyd etdiyimiz kimi sürətlə aşağı düşməməsi riskini nəzərə alırıq" deyib.
Siyasi tərəfdən bu ayın əvvəlində hökumətin devrilməsi ilə siyasi qeyri-müəyyənliyə girən Fransada prezident Emmanuel Makron keçən həftə Fransua Bayrunu ölkənin yeni baş naziri təyin edib. Yeni hökumətin 2025-ci ildə dövlət idarəçiliyinin davamlılığını təmin edəcək xüsusi qanun qəbul edəcəyi gözlənilir.
Digər tərəfdən, keçən həftə beynəlxalq kredit reytinqi agentliyi "Moody's" Fransanın kredit reytinqini "Aa3"ə endirib və reytinq proqnozunu "stabil" olaraq dəyişib. "Moody's"in verdiyi açıqlamada ölkənin kredit reytinqinin "Aa2"dən "Aa3"ə endirildiyi bildirilib.
Bəyanatda qeyd olunub ki, reytinqin aşağı salınması ölkənin dövlət maliyyəsinin yaxın illərdə əhəmiyyətli dərəcədə zəifləyəcəyi və siyasi bölünmələrin daha çox mənalı fiskal konsolidasiyaya mane olacağı fikrini əks etdirir.
İngiltərə Bankının (BoE) cümə axşamı günü verdiyi pul siyasəti qərarı da investorların diqqət mərkəzində olub. Bankın siyasət faizini sabit saxlaması gözlənilsə də analitiklər bankın siyasət mətninin və BoE rəhbəri Andryu Beyleyin açıqlamalarının bazarlarda volatillikliyi artacağını bildiriblər.
Almaniyada bu gün açıqlanan aparıcı məlumatlara görə, istehsal sənayesi Satınalma Menecerləri İndeksi (PMI) 42,5-ə düşərkən, xidmət sektoru PMI 51-ə yüksəlib. Kompozit PMI də 47,8 olub.
Günün qalan hissəsində Avro Bölgəsi, Böyük Britaniya və ABŞ-da PMI məlumatları izləniləcək.
Mənbə: AA
