Tramp ABŞ Hərbi Dəniz Qüvvələrinin katibi vəzifəsinə iş adamını namizəd göstərib
ABŞ-ın yeni seçilmiş prezidenti Donald Tramp iş adamı Con Felanı ABŞ Hərbi Dəniz Qüvvələrinin katibi vəzifəsinə namizəd kimi irəli sürüb.
Bu barədə onun keçid komandasının çərşənbə axşamı yaydığı yazılı açıqlamada bildirilib.
Tramp qeyd edib ki, Felan biznesdə böyük uğur qazanıb və “ABŞ Hərbi Dəniz Qüvvələrinin işlərini hər şeydən üstün tutacaq”.
Felan bir neçə investisiya şirkətinin təsisçisi və ya həmtəsisçisidir. Bunlara "Rugger Management" və "MSD Capital" daxildir.
Felanın namizədliyi indi ABŞ Senatı tərəfindən nəzərdən keçirilməli olacaq.
Hərbi Dəniz Qüvvələrinin katibi xüsusilə dəniz qüvvələrinin maddi-texniki təminatına, habelə onların sərəncamında olan maliyyə resurslarına cavabdehdir. Hərbi Hava Qüvvələrinin, Hərbi Dəniz Qüvvələrinin və Ordunun katibləri Prezident kabinetinin üzvü deyillər.
