Şiqeru İşiba Yaponiyanın baş naziri seçilib
Yaponiya Liberal Demokrat Partiyasının (LDP) rəhbəri Şiqeru İşiba ölkənin baş naziri seçilib.
Parlamentin əsas aşağı palatasında səsvermənin ikinci turunda o, deputatların yarıdan çoxunun səsini qazanıb.
İşiba 221 parlamentarinin dəstəyini, ana müxalifətdəki Konstitusiya Demokratik Partiyasının sədri Yoşihiko Noda isə 160 millət vəkilinin dəstəyini qazanıb. Ümumilikdə 381 etibarlı səs verilib.
Gün ərzində İşiba oktyabrın 1-də administrasiyası işə başlayandan bəri ikinci hökumətini formalaşdıracaq. Oktyabrın 27-də keçirilən seçkilərdə yenidən parlamentə seçilə bilməyən nazirlərin postları istisna olmaqla, onun tərkibinin faktiki olaraq dəyişməz qalacağı gözlənilir. Beləliklə, Keysuke Suzuki ədliyyə naziri, Taku Eto isə Kənd Təsərrüfatı Nazirliyinin rəhbəri olacaq. Ənənəvi olaraq Komeito Partiyasının koalisiyasında kiçik partnyorun nümayəndəsinin tutduğu dövlət torpaqları, infrastruktur, nəqliyyat və turizm naziri postunu Hiromasa Nakanonun tutacağı gözlənilir. Günün ikinci yarısında yeni hökumətin tərkibi imperator Naruhito tərəfindən təsdiqlənəcək.
