Çin və Rusiya sabit beynəlxalq münasibətlərin qorunmasına töhfə verir - Vanq Yi
Çin və Rusiyanın hakimiyyət orqanları sabit beynəlxalq münasibətlərin qorunmasına töhfə verir və BMT Nizamnaməsinə əsaslanan hüquqları müdafiə edir.
AFN.az xarici mediaya istinadən xəbər verir ki, bunu Çinin xarici işlər naziri Vanq Yi deyib.
“Çin lideri Si Cinpinin və Rusiya prezidenti Vladimir Putinin şəxsi rəhbərliyi sayəsində biz ikitərəfli münasibətlərin inkişafında sağlam və sabit dinamikanı qoruyub saxlaya bilmişik ki, bu da təkcə iki dövlətin deyil, həm də ümumi maraqlara cavab verir" - deyə Çin diplomatı Rusiya Xarici İşlər Nazirliyinin rəhbərinin müavini Andrey Rudenko ilə görüşdə deyib: “Biz də birgə səylərlə beynəlxalq münasibətlərin sabitliyinin, beynəlxalq hüququn qorunması istiqamətində səylərə töhfə veririk. Bütün bunlar BMT Nizamnaməsində mövcuddur”.
Vanq Yi qeyd edib ki, Çin-Rusiya qarşılıqlı əlaqəsinin öz tarixi məntiqi, eləcə də idarəçisi var. “Buna görə də bizim münasibətlərimiz beynəlxalq amillərdən asılı deyil, həmçinin üçüncü dövlətlərin müdaxiləsinə məruz qalmır”, - deyə o vurğulayıb.
