Yunanıstanda 48 saatlıq tətil səbəbindən dəniz nəqliyyatı dayanıb
Yunanıstanda bu gün və sabah üçün elan edilən 48 saatlıq tətil səbəbindən dəniz nəqliyyatı dayanıb.
Panhellenik Dəniz Federasiyasının çağırışı ilə dəniz nəqliyyatı işçiləri bu gün və sabah 48 saatlıq tətil etmək qərarına gəliblər.
Tətillə əlaqədar bütün gəmilər limanlara çəkilib və dəniz nəqliyyatı dayandırılıb.
Tətil vasitəsilə dəniz işçiləri gəlirlərinin 23 faiz artırılacağı kollektiv müqavilələr bağlamaq və yelkən cədvəllərinin yenidən qurulması kimi tələblərini dilə gətiriblər.
Mənbə: AA
