Aİ Ukraynaya sülhməramlıların göndərilməsini müzakirə edəcək
Avropa İttifaqı (Aİ) ölkələri münaqişə bitdikdən sonra Ukraynaya sülhməramlıların göndərilməsini müzakirə edəcək.
AFN.az xəbər verir ki, bu barədə “Politico” öz mənbələrinə istinadən məlumat yayıb.
“Ukraynaya avropalı sülhməramlıların göndərilməsi məsələsi gec-tez ortaya çıxacaq”, - deyə nəşr adının açıqlanmasını istəməyən avropalı rəsminin sözlərindən sitat gətirib. Diplomat etiraf edib ki, Avropa İttifaqı belə bir təşəbbüsü Ukrayna münaqişəsi bitdikdən sonra qaldıracaq.
