Çikaqonun qərbində talançılar yük qatarını qarət ediblər
Amerikanın Çikaqo şəhərində oğrular ABC7 helikopterinin kameraları altında bir saat ərzində gündüz saatlarında yük qatarını qarət ediblər.
AFN.az-ın xəbərinə görə, oğurluq oktyabrın 11-i günorta saatlarında şəhərin West Side ərazisində baş verib. Ən azı 10 nəfər məişət texnikası qutularını çıxararaq stasionar qatarın yaxınlığında saxladıqları maşınlara daşıyıblar.
"Oğrular konteynerləri sındırmağa başlayanda qatar partnyor qatarın vaqonları dəyişməsini gözləyərkən dayandırılıb", - nəqliyyat şirkəti Union Pacific bildirib.
Şirkətin rəsmi nümayəndəsinin sözlərinə görə, 6 oğru saxlanılıb. Bundan əlavə, oğurlanmış malların bir qismini geri qaytarılıb.
İstintaq davam edərkən Böyük Çikaqo Metra şəhərətrafı dəmir yolu xidməti dayandırılıb.
