Makqreqor 2025-ci ilə qədər döyüşə qayıtmayacaq
İki çəki dərəcəsində "Ultimate Fighting Championship" (UFC) çempionu olmuş irlandiyalı Konor Makqreqor 2024-cü ildə döyüşə qayıtmayacaq.
AFN.az "Reuters"ə istinadən xəbər verir ki, bu barədə promosyonun rəhbəri Dana Uayt bildirib.
"Biz danışdıq, Makqreqor döyüşmək istəyir, amma bu il yox."
İyunun sonunda Makqreqor UFC 303-də amerikalı Maykl Çandlerlə döyüşməli idi. Lakin irlandiyalı döyüşə hazırlıq zamanı ayaq barmağını sındırdıqdan sonra döyüş ləğv edilib.
Makqreqorun 36 yaşı var, o, qarışıq döyüş növləri üzrə 22 qələbə qazanıb, 6 məğlubiyyət alıb. İdmançı ilk UFC titulunu 2015-ci ildə qazanıb, daha sonra irlandiyalı təşkilat tarixində eyni vaxtda müxtəlif çəki dərəcələrində iki titul sahibi olan ilk döyüşçü olub. 2021-ci ilin iyulunda amerikalı Dastin Puare ilə keçirdiyi son döyüşdə Makqreqor ayağını sındırıb.
