İsrailin müdafiə naziri: İran və Hizbullah bizi görünməmiş zərərlə hədələyir
İsrail eskalasiyanın növbəti mərhələsinə hazırlaşır.
“Today in Israel” portalı xəbər verir ki, bunu ölkənin müdafiə naziri Yoav Qalant deyib.
“İrandakı və Hizbullahdakı düşmənlərimiz əvvəllər heç vaxt cəhd etmədikləri üsullarla bizə zərər verməklə hədələyirlər. Ancaq cəhd edənlər bizdən əvvəllər heç vaxt görmədikləri cavabla qarşılaşacaqlar. Bizim əhəmiyyətli imkanlarımız var və ümid edirəm ki, onlar öz qərarlarına yenidən baxacaqlar və əlavə cəbhələrdə müharibəyə səbəb olmayacaqlar.
Ümid edirəm ki, onlar öz hərəkətləri barədə diqqətlə düşünəcəklər və bizi onlara ciddi ziyan vuracaq, əlavə cəbhələrdə müharibə aparmaq ehtimalına gətirib çıxaracaq işə məcbur etməyəcəklər. Bu, istəmədiyimiz bir şeydir, amma hazır olmalıyıq, çünki bu, baş verə bilər" - deyə israilli nazir bildirib.
