Rusiya böyük irəliləyiş əldə etməyə qadirdirmi? - NATO-nun qiymətləndirməsi
Rusiyanın Ukraynaya qarşı müharibədə cəbhədə böyük sıçrayış etmək imkanı və gücü yoxdur.
AFN.az xəbər verir ki, bunu NATO-nun baş katibi Yens Stoltenberq AFP-yə müsahibəsində deyib.
"Rusiyanın böyük irəliləyiş imkanı və gücünə malik olduğuna inanmaq üçün əsasımız yoxdur", - deyə Stoltenberq vurğulayıb. O, əlavə edib ki, ruslar böyük ehtimalla öz hava zərbələri ilə təzyiq göstərməyə çalışacaqlar: "Lakin bizim hesablamalarımıza görə, onlar heç bir böyük irəliləyiş əldə edə bilməyəcəklər".
