Qordan Jandrokoviç yenidən Xorvatiya parlamentinin sədri seçilib
Aprelin 17-də Xorvatiyada keçirilən ümumi seçkilərdən sonra Qordan Jandrokoviç yenidən parlamentin spikeri seçilib.
Paytaxt Zaqrebdə keçirilən parlament iclasında 151 yerlik parlamentdə 150 deputat iştirak edib.
Hakim sağ mərkəzçi Xorvatiya Demokratik İttifaqının (HDZ) namizədi Jandrokoviç 6 əleyhinə 144 səslə parlamentin sədri olub.
Jandrokoviç çıxışında 2016 və 2020-ci illərdən sonra bu gün üçüncü dəfə eyni vəzifəyə seçilməkdən xoşbəxt olduğunu bildirib.
Yeni hökumətin müəyyənləşəcəyi sessiyanın yaxın günlərdə keçiriləcəyi gözlənilir.
