İndoneziyada kəndlər soyuq lava altında qaldı - 41 nəfər həyatını itirdi
İndoneziyanın qərbindəki Sumatra adasındakı Marapi vulkanına yaxın kəndlərdə püskürən vulkandan axan soyuq lava və daşqınlar nəticəsində ən azı 41 nəfərin həyatını itirdiyi açıqlanıb.
Şənbə günü yağan güclü yağış Sumatranın ən aktiv vulkanı olan Marapi dağından kül və qayaların sürüşməsinə səbəb olub. Nəticədə baş verən sel iki rayonda həyata mənfi təsir göstərib. İnsan tələfatı ilə yanaşı bölgədə 100-dən çox ev, məscid və ictimai binalara ziyan dəyib. 17 nəfərin itkin düşdüyü bildirilir.
