Əfqanıstanda soyuq hava səbəbindən 60 nəfər həyatını itirib
Əfqanıstanda son 3 həftədə güclü qar, yağış və şaxtalı soyuq hava şəraiti səbəbindən 60 nəfər həyatını itirib.
Bu barədə Əfqanıstan Milli Fəlakət Agentliyinin sözçüsü Janan Saeq məlumat verib.
O Əfqanıstanın bəzi bölgələrində güclü qarın yağmasının son həftələrdə çox təsirli olduğunu və temperaturun mənfi 30 dərəcəyədək endiyini qeyd edib.
Saeq bu müddət ərzində 1600-dən çox evin qismən və ya tamamilə dağıldığını, soyuq hava səbəbindən 177 mindən çox mal-qaranın tələf olduğunu açıqlayıb.
Saeq bildirib ki, Milli Fəlakət Agentliyi və beynəlxalq təşkilatlarla əməkdaşlıq çərçivəsində ölkənin müxtəlif bölgələrində 22 min 400-dən çox ailəyə ərzaq, müxtəlif ehtiyac vasitələri və nağd pul yardımı göstərilib.
