Dubay xarici banklara vergi tətbiq edəcək
Birləşmiş Ərəb Əmirliklərinin (BƏƏ) hakimiyyət orqanları Dubayda xarici banklara 20 faizlik vergi tətbiq edəcək.
Bu barədə BƏƏ-nin baş naziri və Dubay əmiri Şeyx Məhəmməd bin Rəşid Əl Məktumun saytında məlumat verilib.
Qeyd olunur ki, vergi xarici maliyyə təşkilatlarından vergi tutulan gəlirlərdən tutulacaq. Xarici bank ödədiyi təqdirdə bu faizdən korporativ vergi faizi çıxılacaq.
Yerli hakimiyyət orqanları xarici maliyyə təşkilatlarını hər il yeni vergi ödəməyə məcbur ediblər. Aydınlaşdırılır ki, vergi müvafiq qanun layihəsinin qəbul edildiyi ildən sonrakı vergi ilində qüvvəyə minir.
BƏƏ-də korporativ vergi 2023-cü il iyunun 1-dən tətbiq edilib, onun dərəcəsi 9 faiz təşkil edib. Bu vergi həm Yaxın Şərq ölkəsinin sakinləri, həm də qeyri-rezidentlər tərəfindən ödənilməlidir. Eyni zamanda tədbir həm fiziki, həm də hüquqi şəxslərə şamil edilib. İstisnalara dövlət qurumları, mədən müəssisələri, dini və mədəniyyət təşkilatları daxildir.
