Cənubi Koreyada həkim istefalarını təşkil etdiyi iddia edilən 5 nəfər haqqında istintaq başladılıb.
Cənubi Koreyada tibb fakültəsi tələbələrinin sayının artırılması təşəbbüsünə etiraz edən minlərlə intern həkimi istefaya təşviq etmək və yönləndirmək iddiası ilə Koreya Tibb Assosiasiyası (KMA) və Koreya Pediatriya Assosiasiyasından 5 nəfərə qarşı istintaq başladılıb.
Yonhap-ın məlumatına görə, Səhiyyə və Rifah Nazirliyi KMA-nın Fövqəladə Hallar Komitəsinin sədrini, KMA rəhbərliyinin digər iki üzvünü, KMA-nın keçmiş prezidentini və Koreya Pediatriya Assosiasiyasının prezidentini intern həkimləri kütləvi istefaya yönəltməkdə günahlandırıb.
Seul Böyükşəhər Polis Agentliyinin ictimai cinayətləri araşdıran bölməsi 5 nəfərə qarşı başladılan istintaqla nazirliyin irəli sürdüyü ittihamları araşdırmaq üçün hərəkətə keçib.
