Acun Ilıcalı Almaniyada idman kanalı aldı
Media maqnatı və Hull City-nin sahibi Acun Ilıcalı Almaniyanın SPORT1 idman kanalının səhmlərinin əlli faizini alıb.
İsveçrənin “Highlight Communications” media qrupunun verdiyi rəsmi açıqlamada SPORT1 səhmlərinin 50 faizinin 30 milyon avroya ACUNMEDYA-ya satıldığı bildirilib.
Reuters-də yer alan xəbərə görə, Acunmedya tərəfindən istehsal olunan idmanla bağlı reallıq formatları gələcəkdə SPORT1 kanalında yayımlanacaq.
İddialara görə, uyğunlaşdırılması gözlənilən ilk istehsal 'Exatlon' olacaq.
