Kosmosda nüvə silahının istifadəsi yerin orbitinin tıxanmasına səbəb olacaq
Peyklərə qarşı nüvə silahının istifadəsi yerin orbitinin tıxanmasına səbəb olacaq.
CNN telekanalına müsahibə verən ekspertlər kosmosdakı obyektlərə mümkün zərbədən danışarkən belə deyiblər. Belə bir təsirdən sonra orbitin bir hissəsi peyklərin sonrakı yerləşdirilməsi üçün daha uyğun olmayacaq.
“Böyük təhlükə odur ki, o, müəyyən orbitlərin böyük hissələrini yararsız hala sala bilər”, – deyə kanalın saytında adı açıqlanmayan amerikalı məmurun sözlərindən sitat gətirilib.
Eyni zamanda ekspertlər etiraf edirlər ki, bu tip silahlardan istifadə həqiqətən də Starlink kimi böyük bir peyk qrupunun məhvinə gətirib çıxaracaq.
Bundan əvvəl "ABC News" öz mənbələrinə istinadən xəbər vermişdi ki, Amerika kəşfiyyatının sübutları Rusiyanın guya kosmosda nüvə silahı yerləşdirmək istəyini göstərir. Söhbət peyklərə qarşı mümkün silah istifadəsindən gedir.
