Argentinada soyğunçular mühafizəçinin 9 yaşlı qızını güllələdilər
Argentinanın təhlükəsizlik naziri Patrisiya Bullrixin departamentində mühafizəçi işləyən federal polis agentinin qızı güllələnib.
Yerli mediada verilən məlumata görə, hadisə polisə silahlı hücum zamanı baş verib. Hücumçular onu soymağa cəhd edərkən güllə doqquz yaşlı qızının başından dəyib.
Ədliyyə mənbələri bildirib ki, cinayət saat 09:15 radələrində Buenos-Ayresin Lomas de Zamora ətrafındakı Villa Centenario qəsəbəsində baş verib.
Eduardo Aguilera adlı vəzifədən kənar polis məmuru qızı ilə Pio Baroja və Parisa küçələrindən keçib. O, avtomobilini təhvil verməsini tələb edən silahlı quldurların hücumuna məruz qalıb. Məlumata görə, o, xidməti silahı ilə cinayətkarların qarşısını almağa çalışaraq müqavimət göstərib.
Atışma baş verib, nəticədə doqquz yaşlı qız Umma başından və qolundan yaralanıb.
Cinayətkarlar qaça biliblər və qız təcili olaraq vertolyotla Çurruk polis xəstəxanasına aparılıb. Lakin onun həyatını xilas ütmək mümkün olmayıb və körpə aldığı xəsarətlərdən ölüb.
