Özbəkistanın keçmiş kənd təsərrüfatı naziri saxlanıldı
Özbəkistanın keçmiş kənd təsərrüfatı naziri Aziz Voitov ölkənin baş prokurorunun tələbi ilə mənimsəmədə və vəzifə səlahiyyətlərindən sui-istifadədə şübhəli bilinərək həbs edilib.
Bu barədə respublika Ali Məhkəməsinin mətbuat xidməti xəbər verib.
İstintaq Voitovu mənimsəmə və ya xüsusilə böyük miqyasda mənimsəmə, habelə vəzifə səlahiyyətlərindən sui-istifadədə şübhəli bilir.
O, 2022-ci ilin avqustundan 2023-cü ilin oktyabrınadək kənd təsərrüfatı naziri vəzifəsində çalışıb, daha sonra bu vəzifəni İbroxim Abduraxmonov icra edib. Bundan əvvəl Voitov 2020-ci ilin mart ayından investisiyalar və xarici ticarət nazirinin birinci müavini olub.
