Aİ ölkələri dörd milyard avro dəyərində COVID-19 peyvəndini atıb
Avropa İttifaqı (Aİ) ölkələri təxminən 4 milyard avro dəyərində olan 215 milyon doza COVID-19 peyvəndini atıb.
AFN.az-ın xəbərinə görə, bu barədə “Politico” qəzeti yazır.
Qeyd olunur ki, koronavirusa qarşı ilk peyvəndlərin təsdiq edildiyi 2020-ci ildən etibarən assosiasiyaya üzv ölkələr kollektiv olaraq 1,5 milyard doza alıblar - hər rezident üçün üçdən çox.
Qəzetin hesablamalarına görə, Aİ ölkələri hər sakinə orta hesabla 0,7 dozadan imtina ediblər. Orta hesabla Estoniya adambaşına ən çox peyvənd atıb - hər sakinə 1,1 doza peyvənd. Atılan vaksinlərin sayına görə lider Almaniyadır (83 milyon doza).
Bundan əvvəl Ümumdünya Səhiyyə Təşkilatı (ÜST) koronavirusla mübarizə, virusun insanlar üçün təhlükəsinin qiymətləndirilməsi sistemini dəyişdirməklə bağlı tövsiyələrini yeniləyib. Xüsusilə, ÜST 65 yaşdan yuxarı insanları yüksək risk qrupundan çıxarıb.
