BMT-nin təsiri zəifləyib - SƏBƏB
BMT-nin təsiri təşkilat daxilindəki ölkələr arasında gərginlik səbəbindən zəifləyib.
AFN.az xəbər verir ki, bu barədə Britaniya Beynəlxalq Strateji Araşdırmalar İnstitutunun (IISS) silahlı münaqişələrə dair illik hesabatında deyilir.
"Təhlükəsizlik Şurasında böyük dövlətlər bir-birinin qətnamələrinə veto qoyurlar ki, bu da İsrail-Fələstin məsələsi ilə bağlı fikir ayrılıqları kimi konkret ümumi həllin əldə olunmasına mane olur. IISS regional münaqişələrin həllinin mümkünsüzlüyünü hazırkı geosiyasi vəziyyətin əsas xüsusiyyətlərindən biri hesab edir" - deyə hesabatda qeyd edilir.
Sənədə əsasən 2023-cü ildə dünyada ən azı 183 regional münaqişə baş verib ki, bu da son üç onillikdə ən yüksək rəqəmdir.
