İngiltərə kralının şəxsi mülkündə ölənlərin əmlakı haqda ŞOK FAKT
İngiltərə kralının şəxsi mülkü və gəlir mənbəyi olan Lancaster Hersoqluğunda yaşayanların qoyub getdikləri mirasın xeyriyyə təşkilatlarına bağışlanmaq əvəzinə, hersoqluğa gəlir gətirən strukturların abadlaşdırılması üçün istifadə edildiyi ortaya çıxıb.
“The Guardian” qəzetinin əldə etdiyi məlumata görə, Mançester, Liverpul, Preston və Burnli kimi şəhərlərin qismən və ya tamamilə daxil olduğu hersoqluqda vəsiyyətnamə və ya varis qoymadan dünyasını dəyişənlərin əmlakı əsrlər boyu Lancaster hersoqluğunun xəzinəsinə keçib.
Bu gün İngiltərənin həm də Lankaster hersoqu olan kral və kraliçalarına əhəmiyyətli gəlirlər gətirən bu feodal dövrü təcrübəsinə görə, xəzinəyə köçürülən mallar sonradan bölgənin inkişafı üçün çalışan fondlara bağışlanır.
Ancaq son 10 ildə təxminən 61 milyon funt sterlinq dəyərində miras əmlakının toplandığı hersoqluqda bu məbləğin yalnız 15 faizinin xeyriyyə təşkilatlarına köçürüldüyü müəyyən edilib.
Qəzetin əldə etdiyi sənədlərə görə, bir çox vergilərdən azad olan Lancaster hersoqluğu sözügedən vəsaiti bu gün yaşayış, muzey, yaşayış yeri və ya turizm obyekti kimi istifadə edilən gəlir gətirən strukturların bərpası üçün istifadə edib.
Gəlir gətirən strukturların bərpasının xalqın xeyrinə edildiyi iddia edilsə də, mövzu ilə bağlı tənzimləmələri edən SA9 adlı fərmanla bu strukturların dövlət qaynaqları ilə bərpasının sərhədləri var.
Bərpalar fərmanda nəzərdə tutulmuş hədləri aşsa da, mərhumdan qalan mirasın istifadəsi ilə bağlı qərarda aydın izahat yoxdur.
İngiltərədə kralın gəlir mənbələrinə Kornuoll hersoqluğu, eləcə də Lancaster hersoqluğu daxildir.
Kornuol hersoqluğunun gəliri taxtın varisi Uels şahzadəsinin xəzinəsinə köçürülür. Hər iki hersoqluq həm turizmdən, həm də kənd təsərrüfatı istehsalından əhəmiyyətli gəlir əldə edir.
Kornuol hersoqluğu illik 21 milyon funt-sterlinq, Lancaster hersoqluğu isə Britaniya monarxlarının xəzinəsinə 24 milyon funt-sterlinq gəlir gətirir.
